Oni
laste kritikis min pri la kovrilo de nia numero 128ª, tiu pri
balotado kaj nebalotado, plendante, ke la redaktoro de ĉi tiu
magazino estas malĝentila, ĉar oni povas ne baloti kaj tamen
esti pli ĝentila.
Tamen, tiu kritiko rivelas grandan ignorantecon: tiun signon faris anglaj arkistoj al franca armeo en unu el siaj militoj, la Milito de Cent Jaroj, montrante, ke ili ankoraŭ havas sian mezfingron, kaj sekve ili ankoraŭ povas lanĉi siajn sagojn. Oni komprenas kial ili faris tion, se oni memoras, ke francoj fortranĉis tiun fingron al anglaj soldatoj kiam ili kaptis ilin. Arkistoj anglaj bone celis, kompreneble.
Se oni serĉas en la reto, eble oni trovos aliajn eksplikojn, sed laŭmi ĉi tiu estas la plej korekta. Per tiu signo mi celis diri, ke el ĉi tiu modesta magazino oni ankoraŭ povas lanĉi niajn ideojn, eĉ pafi al maljusteco kaj mensogo historia pri Esperanto, labormondo, Hispanio, eĉ ni, por ke vero estu restarigita. Ĉu naiveco? Eble. Sed memoru, ke nur naivuloj atraŭenigis kulturon, pacon, kaj eĉ la mondon. Ekzemple: Zamenhof kaj Izaak' Peral'. La unua kreis nian mirindan lingvon, kiu ebligas al ni paroli kun homoj de kulturoj tiom diversaj, ke ni ne povus per nia aŭ ilia lingvoj; kaj Peral' elpensis submarŝipon, eĉ se siaj samtempuloj ridaĉis al li pro envio aŭ aliaj evitindaj kialoj..., kaj tamen alilandaj registaroj pretigis siajn proprajn submarŝipojn vidinte, ke la aferon oni povas fari.
Estus dezirinde, ke plejpovaj landoj en la mondo decidos apogi Esperanton same kiel ili apogis la ideon fari submarŝipojn. Nur Sovetunio faris tion, sed nur dum la regado de Lenin. Lia posteulo, Ŝtalin', komprenis, ke la komunisman kredon Rusujo ne povus instali en la ceteran mondon, kaj sekve li forgesis pri Esperanto, enkarcerigis aŭ mortopafis ties gvidantojn, kaj rusiigis sian imperion.
Tamen, dum restos homoj bonkoraj, kiuj celas komprenigi sin al kaj de alilingvanoj, ni restos intermksitaj interne de lingvimperioj kvazaŭ ni estus submarŝipetoj de bonkoro kaj deziro komuniĝi kun alilandanoj.
Vivu Esperanto! Vivu la Interna Ideo de Esperanto!
