Mi observas, ke de la tempo de Mondpandemio KRONVIR19 funkciuloj ne plu ricevas onin sen antaŭe interkonsentita rendevuo (AIR, de nun). Mi konsideras, ke dum tiuj momentoj de grava risko kontrakti la malsanon —tiel diris amasmedioj— tio efikis, kaj ankaŭ, ke oni atendis surstrate en malvarmo, dum ene de la konstruaĵoj funkciuloj ĝuas varmigitan etoson koste al civitanoj, pro tio, ke ni havis damoklan glavon sur niajn kapojn se ni venis tro proksime de infektitulo... Sed pandemio jam pasis —eĉ se kelkaj ankoraŭ diras, ke la viruso neniam okazis, kaj mi ne havas pravigon por tio aŭ male al tio— kaj mi rimarkas, ke ankoraŭ estas oficejoj kies laboristoj pasigas la tempon ŝajne farante nenion, aŭ sengravajn taskojn, kaj se oni iras urĝe tie por solvi aferon, ili akre respondas, ke sen AIRo ili ricevas neniun kaj solvas neniun aferon. Tiu aironismo, laŭ mi, nur utilas al pigro nune, kaj en la estonto al maldungeco de funkciuloj, aŭ ne anstataŭo de tiuj, kiuj emeritiĝos. Miras mi pri tio, ke ili mem ne konsideras tion: pigro hodiaŭa, maldungeco morgaŭa.
Alflanke, kaj en oficialaj kaj entreprenaj oficejoj oni preskaŭ postulas, ke ni, la publiko, faru oficejajn demarsojn, kaj pro tio bankoj maldungas milojn da siaj funkciuloj, kaj ankaŭ la Ŝtato faras tion. Eĉ en benzinstacioj oni postulas, ke la aĉetanto mem prenu la benzinon, kiun ties aŭto bezonos. Tio, laŭ mi, estas danĝere. En benzinstacioj mallertulo povas okazigi katastrofon, ĉar benzino malbone aŭ senzorge uzata povas okazigi brulado kaj eĉ eksplodo; sed la danĝero alie estas certe socian, ĉar maldungecon signifas ricevi monon sen labori por tio, kion devas pagi tiuj, kiuj laboras. Kaj tio okazigas malriĉecon por la socio. Nun Hispanio havas rekordan ŝuldon, ĉefe al eksterlandanoj, kaj tiuj salajroj al nelaborantoj endanĝerigas la buĝeton por aliaj sociaj bezonoj, kiel edukado, hospitaloj, ŝosejoj, armeo, kaj tiel plu. Sed ni estas la lando kun plej alta progeso kaj helpo al la Tria Mondo, ĉu ne? Ni ne povas helpi nin mem, sed ni estas solidaraj al aliaj nacioj, ĝis kiam ni ankaŭ estos trimondaj denove. Ĉar kiam Hispanio bezonis helpon de eksterlando, oni neis tion pro tio, ke ni havis diktatorecon, kvazaŭ tio ne estis sufiĉe da sufero, kaj tiuj sensolidraj landoj devis aldoni pli pro siaj stultaj ideologioj. Sed ni, ja, estas solidaraj, kaj ni devas pagi pli ol ni povas por ke la registaro fieru... Konsideru tion, kiam vi voĉdonos, baldaŭ.
