Kvankam en la pasinto la apero de nia magazino ne ĉiam regule okazis, kaj malgraŭ mia intenco, ke tio ne plu okazos, lastatempe ni ne povis aperigi Kajerojn el la Sudo akurate pro tio, ke mi ankaŭ aktivas en aliaj projektoj personaj kaj kolektivaj, iomete rilatitaj aŭ rekte ne rilatitaj al nia afero. Tamen, mi esperas, ke mi organiziĝos pli efike, kaj kelkajn semajnojn post la apero de ĉi tiu numero de Januaro 2023, venos la numero de aprilo, nombro 127ª.
Multaj aferoj okazis ekde la lasta fojo, kiam aperis nia lasta numero, 125, elstarante du inter ili: La morto de Papo Benedikto 16ª kaj la Mocio de Deklaro de Nekonfido (MDN de nun) al la Registaro de Hispanio. Pri ambaŭ aferoj ni informas en apudaj paĝoj.
Ankaŭ oni povas legi la sekvantajn partojn de mia novelo Sanigaj murdoj, kaj de la eseo Defendo de Hispaneco, de Ramiro de Maeztu.
Mi konsideras, ke ni travivas malagrablajn momentojn en Hispanio, sed tamen gravajn. Ni ne povas ne atesti pri tio, kio okazas: de unu flanko oni diras, ke ni havas la plej progreseman registaron en nia tuta historio, kaj de la alia oni diras, ke nia registaro estas nur la plej malbona. De unu flanko oni diras, ke la registaro garantias unuafoje en nia historio la egalecon de virinoj, de la alia flanko oni diras, ke tion oni jam certigas la Konstitucio de 1978 dekomence. Defendi rajtojn estas bona afero, sed batali por tio, kion oni jam havas, estas stulte, ĉu ne? Nenio endanĝerigas la rajtojn de virinoj nun en Hispanio, sed la registaro enmiksiĝas en nian privatan vivon, kaj tio estas netolerebla. Oni diras, ke tio estas nome de libereco, sed nome de libereco malpligrandigi liberecon estas nur cinikismo, kiun ĉiu sana homo devas kontraŭstari. Oni plendas, ke kelkaj dekoj da virinoj mortas ĉiujare pro seksa perforto, sed oni silentas, ke miloj da virinoj (kaj ankaŭ viroj) mortas jare pro trafikakcidentoj, kaj multaj pli memmortigas sin; sed nenion oni faras kontraŭi tiujn kancerojn de socio. Do, la vera batalo en Hispanio nuna estas fuŝpropaganda, kaj tio, laŭ mi, estas fia kaj malutila.
Restas la paĝoj de Kajeroj el al Sudo malfermaj al ĉiuj, kiuj deziros diri sian opinion pri tiuj aŭ aliaj temoj de nia nuna socio. Vivu Hispanio, vivu Esperanto!
