De kelkaj jaroj la prezentado de la bulteno antaŭ vi ne estis ĉiam akurata. Mi esperas, ke en tiu ĉi nova cento da nia numeraro, tio ne plu okazos. Pro tio novan numeron sendas mi al vi, leganto, nur kelkajn tagojn post la antaŭan. Nia sinteno estas daŭre sociala, politika kaj kultura, kaj pro tio ni havas plenplenon da temoj inkluzivi en nian magazinon, kvankam la kvanto de niaj paĝoj estas limigitaj laŭ la nombro. Pro tio ni atentas al la politikaj scenoj hispana kaj aliloka, ne forgesante pri tio, kio okazas en la kultura kaj civiliza mondo. Pro tio ni ĵetas rigardon al grava evento, kiu influis negative en la konsisto de la Hispana Imperio antaŭ tri jarcentoj. Jen la peko de denaska mursjano Jozefo Moñino kaj Redondo, alidirite Grafo de Floridablanko.
La registaro de Hispanio ŝajnas ne havi gravajn aferojn plibonigi nian bonfarton, kaj pro tio ĝi nur prezentas pridiskuteblajn aferojn, tiel ke oni ne konsciu pri tio, ke ili faras nenion profiteblan al ni. Lasta elpensaĵo estas, ke manĝaĵoj devas porti literojn laŭ sia plisaneco, el verda al ruĝa.
Jozefo Pina surprizas nin per longa artikolo pri persekuto pro religio en islamaj landoj. Bedaŭrinde tiuj politikaj partioj, kiuj denoncas diskriminacion fakte diskriminacias pri diskriminacio. Eble estas diskriminacioj kaj diskriminacioj, kaj se ne eblas kondamni plenplenajn eŭropajn civilizeron, estas nenio defendebla. Porka politiko, kiu emas detrui, sed ne konstrui.
Ŝajnas, ke parto de la politikaj partianoj de Hispanio opinias, ke tiuj, kiuj ne aprobas ties ideojn estas faŝistoj kaj ne rajtas eĉ vivi. Tion mi aŭdis la lastan 14an de novembro, kiam mi iris aŭskulti konferencon, kaj poste politikajn prelegojn de dekstra partio VOX. Inteligentaj personoj vere bezonas aŭskulti tion, kion malamikoj diras, sed fanatikuloj jam scias, ke neniu krom ili mem pravas pri ĉio ajn, kaj sekve oni devas brakumi iliajn ideojn aŭ morti. Kaj tio estas maltrankviliga pro grava kaj trista, ĉar ĝi signifas, ke oni ne multe lernis laŭ la lastaj okdek jaroj. Ankoraŭ duono da Hispanio ne volas morti pro la volo de la alia duono. Unue oni vortumas, poste oni provos agi, eĉ se realo diras, ke ili denove malvenkos.
