Lastan 10an de oktobro okazis la 3ª Kongreso de Hispaneco en Cartagena, dua ĉefurbo de la Regiono de Murcia. Organizis ĝin la Asocio Kultura Herooj de Kavite (Héroes de Cavite, hispane). Kavite estas urbo de insulo Luzon', Filipinoj, kaj tie okazis grava marbatalo inter Usono kaj Hispanio, kun granda malavantaĝo de ĉilasta, kaj pro tio la maristoj hispanaj estis veraj herooj alfrontante plipotencan floton.
Se oni vizitas Kartagenon, oni povas vidi belan monumenton dediĉita al tiuj herooj, kiuj mortis defendante la Imperion Hispanan, eĉ se ili sciis, ke ili ne havis ŝancon venki. Kiel sekvo de tiu batalo, kiun perdis perfido de la hispana registaro tiutempa, Hispanio ĉesis havi imperion, eĉ se ĝi ankoraŭ havis la provincojn de Saharo kaj Gvineo Hispanaj, kiuj nun ne plu estas hispanaj.
Eble leganto surprizas pro tio, ke mi parolas pri perfido de la hispana registaro al Hispanio, sed se oni reserĉas iomete en historio, oni trovos, ke tiam ĝi estis la ununura lando kiu havis submarŝipojn, kaj tiu stulta registaro ne farigis la du el ili kiuj, laŭ Komodoro Dewey, estro de la usona floto, sufiĉintus submarigi sian tutan floton, venkusante la batalon kaj sekve supervivigante la Imperion Hispanan, kiu —interkrampe— ne nomiĝis tiel, sed Hispanika Krono. Ĉu tiu registaro hispana estis aĉetata de britoj aŭ Usono? Ne estas pruvo, sed nur tio, aŭ profunda stulteco, klarigus la ne produktado de submarŝipoj, tiam ĵusa invento de kartagenano Izaak' Peral'... Ne, Hispanio neniam bone reagis kontraŭ perfido; kaj tio venas el tempo de Viriato —kiun romianoj ne povis venki escepte de pro perfido—, sekvinte la invado de Hispanio de muslimoj pere de la perfido de Grafo Don Ĥuljan', aŭ poste tiu invado de francoj pere de la perfido de Ministro Godoj..., kaj ŝajnas ke la afero ankoraŭ ne finis. En aliaj landoj, perfiduloj estas mortkondamnitaj, sed ĉi tie ili profitas longan kaj riĉan vivon, kutime koste al la nacio. Kiam Hispanio vekiĝos?
Prezidanto de la asocio, Anĝelo Gabrjel' Benzal Pintado malfermis la kongreson klarigante, ke la asocio jam havas anojn en 17 provincoj de Hispanio kaj aliaj landoj, inter ili Usono kaj Filipinoj! Li notigis, ke la ĉefa malfacilo por ke estos bloko de landoj hispanparolantaj estas la Nigra Legendo, kies fifamigajn mensogajn mesaĝojn kredas eĉ multaj hispanoj hodiaŭaj. Sed Hispanio estas mestiza lando, kaj jen estas venko de Hispanio. Sufiĉas kompreni la aserton pri tio, ke hispanoj, kiuj ne konas Amerikon, ne konas Hispanion.
Pranepo de indiano apaĉa Gerónimo, Alfonso Borrego, prelegis pri La alveno de Johano de Oñate al Sudoriento de Usono, kio okazis jarcentoj antaŭ Usono aŭ Meksikio ekzistis, kaj jardekoj antaŭ la koncepto Ameriko aperis en la mondon. Li komencis sian prelegon rememorante siajn unuajn jarojn en Usono, kie li estis duoble fremdulo pro apaĉa kaj meksika, eĉ se li estas duoble nativa de tiu loko, ĉar li estas apaĉa kaj hispandevena. En Usono ne estis laŭleĝa interrasa geedziĝo ĝis 1960ª, dum en hispanameriko tio okazis de antaŭ ses jarcentoj pro deziro de reĝino de Kastilio, Isabel la Katolika, la unua reĝino de Ameriko.
Mi aliĝas al tiuj kongresoj pri Hispaneco de tri jaroj, kaj mi eltiras el tiuj, ke estas domaĝe, ke hispanoj de Eŭropo kaj Ameriko ne pli bone konas pri ĝi, ĉar tie oni povas informi sin pri veraj kaj gravaj faktoj, kiuj detruas la Legendon Nigran, kiu estas, kiel jam diritie la Historio de Hispanio rakontita de la malamikoj de Hispanio dum kvin jarcentoj, senlace ripetata eĉ de hispanoj, bedaŭrinde. Krom mensogoj rektaj ankaŭ estas gravaj silentoj, kiel ekzemple la fakton, ke la unua admiralino el la tuta historio de homaro estis hispana Isabel Barreto, Mastrino de la Pacifika Oceano je la 16ª jarcento. Aliaj landoj, kiel Britio kaj Usono, ne bezonas Nigran Legendon por disvastigi la fakton, ke ili kreis imperiojn pro perfido kaj monavido, ĉar sufiĉas ties historio tiucele.
Kaj estas multaj aliaj eventoj faritaj de hispanoj en la pasinto. Vere estas, ke tiuj, kiuj ne konas sian pasinton ne konos sian estonton.
