De pli ol kvardek jaroj politikistoj petegas de ni, ke ni
balotu, eĉ ne al ili mem, sengrave al tio, kiun partion oni voĉdonas,
kondiĉe, ke oni balotu. Ĉu tio ne estas suspektinda?
Sed se oni rigardas la Hispanan Konstitucion de 1978ª, oni trovas la solvon ĉe ties artikolo 6ª, kie oni povas legi, ke la maniero per kiu civitanoj povas partopreni en la politika vivo de la lando estas per partioj politikaj, kies fermitajn listojn faras la gvidantoj de la koncerna partio. Pro tio ili blekas ĉiubalote por tio, ke oni voĉdonu. Sed voĉdoni signifas, ke oni akceptas, ke regu la prezidanto nomumita de la Parlamento, nome tiu, kiu gajnis plej grandan nombron da deputitoj. Kaj tio estas troigo, ĉu ne?
Eble oni trovas tion normala, kaj tia estus, se oni dirus, ke oni vivas en partitokratio, tio estas, regado de politikaj partioj, sed oni ade diras, ke oni vivas en demokratio, nome, regado de la popolo. Sed se la popolo ne eniras politikan partion, la popolo regas nenion. Kaj se popolano eniras ĝin, li aŭ ŝi ne reprezentas la popolon, sed sian partion... Kaj tio estas trompo, kaj kondutas el korupteco.
Deputitoj decidas la kvanton de sia salajro, kaj ankaŭ sian kotizon al sociala asekursistemo. Kaj tio estas kial humila mileŭristo pagas pli altan procentaĵon ol deputito, kiu ricevas trifoje —ofte kvinoble pro diversaj aliaj konceptoj— pli altan salajron.
Se popolano simpla kontraŭas leĝon, rapide juĝisto povas sendi lin aŭ ŝin en karceron, aŭ ricevas monpunon. Sed deputitoj havas aforamienton (tio estas, jurprivilegion), kio signifas, ke se juĝisto suspektas, ke li aŭ ŝi krimis, oni devas peti specialan permeson de la parlamento hispana por ke tiu persono ricevu juĝan procedon. Konsiderante, ke la Prezidento havas la plejgrandan kvanton da deputitoj en sia partio, tio signifas, ke Prezidento povas fari ion ajn sen ricevi punon, ĝis kiam li aŭ ŝi ne plu estos prezidento. Sed eble la koncerna krimo jam preskriptiĝis. Sekve, oni ne povas kontroli la Prezidenton en Hispanio, ankaŭ ne la Parlamenton, ankaŭ ne la jugistojn mem, ĉar ilin nomumas la Parlamenton.
Do, pro tio ke la prezidento, parlamento kaj ia ajn povo en Hispanio ne reprezentas min, mi ne voĉdonos. Kaj mi invitas vin fari same. Vivu respubliko konstitucia!
