Pacamantoj bedaŭras, ke milito sinsekvas en ukraina sojlo, eŭropa grundo. Kial oni devas daŭrigi ĝin? Ĉu ne estas loko por paco?
En Hispanio estas multe da ukrainoj delonge. Fakte de kelkaj jardekoj multaj el ili venis trovi pli bonan horizonton, kaj nun ili trovas, ke sia hejmlando estas terura, milita scenejo, al kiu ili ne facile povas reiri, ĉar multaj el siaj karuloj ne plu vivas, kaj eble sia hejmurboj ne plu ekzistas, aŭ ili estas detruitaj parte pere de bomboj rusaj.
Estas facile kulpigi unu flankon, kaj certe Eŭropo ne estas senkulpa pri tiu konflikto, sed mi komprenas, ke pleje kulpas la turpa ekstera agado de Usono, kiu malhonorigis la pakton inter Gorbaĉov kaj Riigan okaze de la fino de Sovetunio: neniu varsovipakta lando eniros NATOn, kaj tamen la baltaj respublikoj kaj Pollando estas anoj de NATO, kaj estis projekto NATOigi Ukrainion, ankaŭ. Ne vane Rusio sentis sin izolita antaŭ de NATOaj landoj, kaj finfine ĝi reagis. Ĉu tro agreseme? Eble, ĉar nenio justigas amasmurdadon, sed ne estas senkulpa Okcidento. Germanio kaj Francio klopodis pacigi la aferon, sed ili ne havas la veran pezon por haltigi la militon. Tion devas fari Usono, sed prezidento Bajden ne emas tion fari. Prezidento de lando, kiu malaperigis tutan armeon de 70 000 soldatoj irakaj je 2003, tiel, ke eĉ ties skeletojn oni neniam trovis. Ĉu temis pri nuklea bombado? Tio estas terura penso, evidente, kiun oni devas kontempli antaŭ diablumi Ekssovetunion.
Alia grava temo ĉitage estas tiu, ke Prezidento Sánchez, de Hispanio, devigos hispanojn voĉdoni —se ili plenumas sian rajton tion fari— je la mezo de la somera ferio, la 23an de julio. Oni avertas, ke sub tio kuŝas intenco falsigi la balotadon pere de la perpoŝtaj voĉdonoj, sed se hispanoj komencas pligravigi civitanan devon eksoficiigi Prezidenton kies posteno ŝuldiĝas al minoritatoj ŝanĝe de diskomforto por majoritato, eble la nuna prezidento estas la lasta kantokrio de socialismo en Hispanio. Oni povas forgesi la verajn kialojn de la Intercivitana Milito de 1936, oni povas transrigardi la falsigon de historio de Hispanio pere de diversaj socialismaj leĝoj, sed ĉu oni ankaŭ pardonos al li la malplilongigon de ferioj? Mi rakontos venontnumere, fine de julio.
