Alegro Magia
Lastan numeron ni prezentis 
la Blogon kaj retpaĝon Allegro Mágico,
de Claudia Ortiz. Nun ni prezentas intervjuon al ŝi pri sia muzika agado.
Mi esperas, ke la leganto trovos ĝin interesa kaj pensiga.
- Kiu estas Claudia Ortiz? Mi estas multe da vortoj:
edzino, panjo, podkastintino, blogistino, entreprenistino,
meksikanino kaj hispanino.
- Kie vi naskiĝis? Mi naskiĝis en Puerto Vallarta
(pŭerto baĝarta), Jalisco (halisko), México (meksi ko).
- Ĉu vi vivas el muziko, aŭ vi havas alian metion? Mi
vivas el podkastado kaj blogado.
- Kiun muzikilon vi lernis ludi? Neniun! (Iomete
bekfluton kaj gitaron en lernejo, sed pro tio, ke mi memoras nenion, mi
sentas, ke tio signifas nenion). Mi lernas pianon, mian tutlongvivan
deziron. Mi identiĝas kiel persono kiun muziko pasiigas kaj deziras
kunhavi ĝin.
- Kiuj estas viaj preferataj komponistoj? Mi ne havas
preferatan komponiston. Mi preferas ĝenrojn kaj muzikpecojn por
koncernaj momentoj, kaj muziko plenigas min per diversaj manieroj.
Ekzemple, por koncentriĝi, mi ŝatas "Muzikon por 18 muzikistoj", de
Steve Reich; kiam mi sentas min mem trista, mi aŭskultas la "Duan
koncerton por piano de Raĥmaninov'", kaj kiam mi estas gaja, mi
aŭskultas "La plej altan en la mondo" (Top of the World); de Shonen
Knife.
- Kia vi opinias, ke devas esti la rolo de klasika muziko en
lernejoj? Mi opinias, ke en lernado devus esti devige
instrui muzikon (ĝenerale), arton kaj sporton, ĉiam. Tra tiuj tri aksoj
kaj bona gvidado, homo kapablas lerni kaj disvolvi disciplinon, kuraĝon,
paciencon, respekton, laboron en teamo, kaj ĉefe memkonon.
- Ĉu kulturo muzika estas pli vasta en Meksiko ol en Hispanio?
Kial? Mi ne havas konkretajn datumaĵojn respondi tiun demandon.
- Ĉu vi opinias, ke muziko havas socialan valoron?
Kompreneble jes! Muziko respegulas socion; ĝi estas ties idento, kaj
kiel tian, oni devas konstrui ĝin. Muziko kapablas unuigi homojn ĉirkaŭ
similan ideon. Muziko estas sociale pova.
- Ĉu vi opinias, ke muziko devas esti protektata kaj subvenciata
de la ŝtato, ĉu estas preferinde, ke artistoj estu sendependaj? Pro
tio, ke mi ne estas artistino, mi ne povas respondi tiun demandon.
- Kiel venis al vi krei blogon pri muziko klasika por infanoj?
De kiam mia plejaĝa filino, Paŭla, naskiĝis, mi deziris kunhavi al ŝi
bonan muzikon, ne nur tiun de kantuludu (Cantajuegos) aŭ BabyEinstein
(bebinŝtajn, konata lernilo de Disney). Sekve, mi komencis krei
ludolistojn pri klasika muziko. Aliflanke, iam mi kune kun edzo ĉeestis
koncerton de Yuja Wang kaj Kavakos. La koncerto estis bela, sed kiom da
homoj en la aŭskultantaro estis junaj? Tre malmultaj. Mi memoras, ke mi
vidis infaninon dekdu jaraĝan, kiu dormas, senŝua kaj kun siaj piedoj
sur la sidloko. Tio ŝokis kaj tristigis min. Parolinte pri la afero kun
edzo, ni venis al konkludo, ke se estus Yuga Wang hispana eble pli da
junuloj venus, kaj estus pli da muzika kulturo ĉe ni. "Kaj kial ne
estas?", mi demandis. "Kion vi opinias?", li diris. Li sciis, ke estis
malfacile por mi trovi manieron kunhavi bonan muzikon kun Paŭla. La
venintan tagon mi vidis averton en interreto pri "Kiel fari vian propran
podkaston". Tio estis destino frapante mian pordon, kaj decidis krei
mian podkaston kunhavi tiun klasikan muzikon, kiun mi trovis kun Paŭla,
kun pli da infanoj.
- Ĉu vi ricevis multajn vizitojn? Dum la monato de
aprilo mi havis pli ol 6 000 elŝutoj de la podkasto. Mi ne konsideras,
ke ili estas multaj, sed mi kredas, ke ni estas en fazo de atingi pli da
familioj.
- Kial vi elektis tiun movon de la Sepa Simfonio de Beetoveno
kiel enirpeco en viajn programojn? Mi ŝategas "Nodame
Cantabile" kaj tiun parton oni uzas en la enkonduko de sia programo. Tio
estas okulsignalo al mia gustumo por azia kulturo.
- Ĉu vi ricevas helpon fari la programojn, krom via eta
filino? Ne, neniun.
- Kiu ests Ĉaj? Ĉu temas pri okulsigno al Piotor Ilych
Ĉajkovski? Jes! Kreante la podkaston mi cerbumas pri kiel
atingi la malplej aĝulojn, kaj edzo helpis min dirante "Kial vi ne kreas
rolon stelan por via podkasto? Iu, al kiu identiĝu infanoj? Kiel muso,
ekzemple?" Kaj ne tiu nur, li ankaŭ provizis la nomon Ĉaj: ni ĵus
aŭskultis la "Overturon 1812" de Ĉajkovski kaj mi supozas, ke tio estas
la unua afero, kiun li pripensis.
- Kiuj estas viaj planoj por la estonto? Mia estonta
plano estas plifortigi la prezencon de "Allegro Mágico" kaj poste ni
vidos.
- Ĉu vi intencas verki libron pri via blogo? Ne, sed
mi pensis pri produktado de aŭdlibroj ĉi tiun jaron. Kelkaj gepatroj jam
demandis al mi pri tio!
- Ĉu vi intencas enkonduki sekcion pri kuriozaĵoj aŭ anekdotoj
de komponistoj en viaj programoj? Mi pensis pri tio pri
Mozart', kaj fakte en ties paĝo mi havas parton sub lanomo «9 kuriozaĵoj
pri Mozart'». Pri la aliaj..., mi ŝatus, sed mi ne havas tempon.
- Kiun programon plej kostis al vi fari? Kiu malplej? Tiu
pri Mozart' kostis al mi laboron fari. Ĝi estis la unua, en kiu mi
parolis pri komponisto, kaj mi ankoraŭ ne havis la kreadprocedon tre
difinita, kaj aldone mi tiam suferis pri laringito. Malplej laboro...,
tiuj pri Ĉaj postulas malplej da tempo kaj laboro.
- Ĉu viaj programoj muzikaj, via podkast',
estas nur por infanoj? Intece por infano, sen temoj
por plenkreskuloj. Ili estas pensitaj por infanoj. Sed mi trovas, ke ne
nur gepatroj, sed ankaŭ geavoj, junuloj, muzikinstruistoj, kaj
seninfanaj paroj aŭskultas mian podkaston. Emocias min atingi tiom multe
da homoj kun ĉia aĝo. Mi ne povas kredi tion.
