Hodiaŭ oni celebras La Tagon de Senkulpuloj.
Mi opinias, ke estas vera honto, ke amasmurdado de senkulpaj geinfanoj
ĝis dujaraĝaj plenumita en antikva aĝo de reĝo senskrupula kaj ties
fiuloj okazigis tion, ke hodiaŭ, decembron la 28an, oni primoku nin per
la maniero plej sendiskriminacia, sutila aŭ malsubtila, kaj eĉ tion,
ke oni ne pagu ŝuldojn, kiujn oni pruntos hodiaŭ. Ne akcepti tion, oni
diras, estas manko da humursenco. Sed tiu humursenco estas fia kaj
sensenca, kaj ni plej bone ni ignoru ĝin. Ni havu pli da amosenco ol
humursenco, tiu afero pri kiu oni scias nenion, ĉar ni ĉiuj havas ideon
pri tio, kio amo estas, eĉ se oni pro tio, ke oni rakontis al ni. Kaj
ne estas pli granda amo ol tiu, kiu oni povas senti pri infano, aŭ pri
infaneco ĝenerale, ĉar ni ĉiuj estis infanoj, kvankam kelkaj ŝajnas, ke
ili jam forgesis pri tio.
Mi proponas pasigi la tagon de ŝerco, se oni vere emas ŝerci, al la 1ª de aprilo, kiam oni datrevenas la turpecon de kolonistoj francaj en Ameriko, kiuj daŭre celebris la komencon de la jaro multe post kiam la reĝo de Francio deklaris, ke la komenco de la jaro ne plu estis la 1ª de aprilo, sed la 1ª de januaro, je 1564. Sed mi trovas malfacile defendebla rilatigi agon fian, amasmurdadon de geinfanoj, al senlima ŝercado multekolora.
Ĉi tiun tagon, decembron la 28an, devus esti LA TAGO DE LA
MISTRAKTITA INFANO. Mistraktita de ĉiu vidpuntko: fizika,
psikologia, kultura... Jes, ĉar kelkaj kulturoj mistraktas infanojn.
Kiam mi vizitis Egipton, surprizis kaj kolerigis min tio, ke mi ekscii,
ke tie ne ekzistas deviga instruado, kaj sekve infanoj edukiĝas
surstrate, aŭ hejme, aŭ tiel, kiel ili povas. Ne ĉiuj havas riĉajn
gepatrojn, kiuj povas pagi privatajn lernejojn, kiuj estas la solaj,
kiuj ekzistas tie. Poste mi enketis pri kiel deviga instruado fartas en
la cetera mondo, kaj mi konstatis, ke tio ne estas universala, malgraŭ
la plendoj de Jan Komeniuŝ, kiu je jarcento 16ª jam diris, ke edukado
devas esti komuna al ĉiuj geinfanoj el la mondo, kun la samaj
programoj kaj enhavoj, kaj la sama horaro. Ni ne multe progresis de
tiam. Hodiaŭ ni havas devigan instruadon en Eŭropo kaj parto de
Ameriko, kaj en malmulte da landoj en la cetera parto de la mondo.
Tio ĉi estas eraro, ĉar en geinfanoj kuŝas la estonto de homaro, kaj
se la plej parto de la homaro estas misedukita, oni ne marŝas bone. En
la cetero de la mondo nur la infanoj de inteligentaj riĉuloj eniras
pli bonan mondon, tiun de edukado.
Infanojn oni devas ne nur eduki: oni devas ami ilin ankaŭ. Tial mi proponas, ke ĉi tiun tagon, la 28-an de decembro, ĉesu esti la fia Tago de Ŝerco por iĝi La Tago de la Infanaĝo, same kiel tago de virino laborista estas tiu, kiam oni amasmurdis laborostinojn en faktorio de Usono. Jes, mi scias, ke aŭtoritatoj ignoros mian plendon, sed tiu mia ne estas peto al aŭtoritato pli-malpli kompetenta, sed al civila societo, tiel ke oni ĉesu fari tiun stultaĵon kaj ni ĉiuj pensu aferojn antaŭ fari ilin.Tio estus bona Kristnaska Donaco por ĉiuj infanoj niaj. Ĝi ĝenus nur senbridulojn, sed tiuj, eĉ se multaj, ne estas rimarkindaj. Se ni nur riproĉas hodiaŭajn ŝercojn, tio ja sufiĉus.
