La
bahaanoj en Haifo
La
unuaj Bahaanoj
alvenis en la Sanktan Landon (tiam la Otomana Imperio) en 1868 kiel
malliberuloj ekzilitaj el Irano pro herezo kontraŭ Islamo. Unue ili
estis enkarcerigataj en la aĉa prizono de Akko kune kun ĉiuspecaj
krimuloj. Post multaj jaroj Baha’u’llah povis vivi en kampara
domo apud Akko, nomita Bahji, kie Li forpasis en 1892. Li postulis
ke la restajoj de Bab, Lia antaŭulo, estu entombigitaj en la Monto
Karmelo, je la alia flanko de la golfo. Tion prizorgis la filo
‘Abdu’l-Bahá en 1909 post la Junturka Revolucio, kiu liberigis
la tutan familion.
Pro
tio la spirita
kaj la administra centroj de la Bahaa Kredo nun troviĝas en Haifo,
Israelo. Iom post iom kreskis la Arko chirkaŭ la Mauzoleo de Bab kun
pliaj konstruaĵoj. La unua en 1957 estis la Arkivo, kie videblas por
pilgrimoj la originalaj tabeloj kaj personaj memoraĵoj de la 3 ĉefaj
personecoj de la Kredo. (Bab, Baha’u’llah, Abdul-Baha). Poste
sekvis la impona Internacia Domo de Justeco, la sidejo de la naŭ
representantoj elektataj ekde 1963 ĉiuj 5 jaroj el aro da delegitoj
el la tuta mondo (t.e. de 181 naciaj asambleoj).
Dum
2 jaroj mi
volontulas en la Internacia Biblioteko, kie kolektiĝas ĉiuj libroj
pri la Kredo en diversaj lingvoj. Entute ni estas ĉirkau 600
volontuloj el 80 landoj, kiuj harmonie kunlaboras en pluraj oficejoj
aŭ fakoj.
La
Bahaa Mondcentro
havas bonajn rilatojn kun la ŝtato de Israelo, samkiel la urba
registaro. La estro mem publikigis belegan fotoalbumon pri la
ĝardenoj kaj terasoj, nomante ilin “la oka miraklo de la mondo”,
vizitata de miloj da homoj ĉiusemajne.
Pro
manko de
internacie aprobita komuna lingvo, ni ĉefe uzas la anglan kaj la
persan, sed mi multe varbas por Esperanto kaj havas regulajn
kunvenojn kun amikinoj, kiuj ŝatas lerni la lingvon.
Krome,
la lokaj kaj
regionaj israelaj esperantistoj kunvenas unufoje monate ĉe mi por
vigla diskutrondo pri diversaj temoj au ŝercoj.
Dum
la pasinta
bombardado de Haifo ni daŭrigis nian laboron kiel kutime, ĉar la
plejmultaj oficejoj troviĝas en la Monto Karmelo kaj estas ege
sekuraj kiel ŝirmejoj.
Nun
ni ĉiuj esperas
kaj preĝas ke paco estigos en tiu parto de la mondo, ke ĉiuj
aldonos ilian kontribuon, ĉar, kiel diris Baha’u’llah: “ Ĉiuj
homoj estas kreitaj por antaŭenigi ĉiam progresantan civilizacion.”
H.
Martha Otto,
aŭgusto 2006
