Etnismo:
Eŭropo seneŭropana..., kie estas eŭropanoj?
Usonanoj kutime envias eŭropanojn, ĉar ni havas multe da antikvajn
monumentojn, plene da historiaj eventoj, kaj ne ekzistas usonaj
okazintaĵoj pli malnovaj ol du cent jaroj..., aŭ almenaŭ tion ili kredas.
Tia opinio ne plene konscias pri la mema kaj aliesa historioj. Fakte,
Usono -nek Ameriko tuta- ne ekestis el nenio antaŭ du -aŭ kvin-
centjaroj. Fakte antaŭ multaj miloj da jaroj homoj aperis tie. Ili starigis diversajn
kulturojn -jen mi-grantajn (siuksoj), jen sidantajn (aztekoj)-, kies
mirantoj de Rousseau plibonigis troe. Tamen ili estis ne malpli
batalemaj ol la tieaj eŭropidaj loĝantoj.
Tiam Kristoforo Kolombo enkondukis mezepokan kulturon ŝokante
la antikvajn kiuj loĝis en Ameriko, kaj enmiksigante ambaŭ kulturojn.
Kelkaj jarcentoj poste, puritanaj rifuĝintoj alvenis el sia rifuĝo
nederlanda, sed ankoraŭ fuĝante de sia brita reĝo, kiu volis mortigi
ilin. Ili ne miksiĝis kun la indiĝenoj, ĉar, (malsame de la hispanoj en la
sudo antaŭ du jarcentoj), ili kunportis edzinojn kaj gefilojn. La rezulto
estis tragika kolizio inter antikva kulturo kaj moderna, kiu posedis
pafilojn sed ne naskiĝlandon amikeman por reiri.
Post du centjaroj, tre malmulte el la tiamaj 500 nacioj restas en
Usono nune..., kaj la usonanoj nunaj certe ne estas la filoj de la
indianoj malnunaj, sed filoj de la koloniistoj kiuj amase mortigis ilin
por okupi ilian landon. Do, kiu estas la pragepatraro de la usonanoj
hodiaŭaj? Post la unuaj britoj, el alie multaj homoj alvenis en
Amerikon Nordan: irlandanoj, germanoj, italoj, hispanoj, francoj,
ĉeoj, rusoj, afrikanoj -kontraŭvole, vere, sed tie ili nun estas.
Veras, ke neniu el ili nun sentas germane, brite, irlande, itale,
hispane, france, kaj tiel plu. Ne, ili ĉiuj sentas usone,
tio estas, ili sentas, ke ili ĉiuj havas komunan nacion, komunan
kulturon -ne pli malnova ol du centjaroj-, kaj ili ĉiuj volas, ke
May God Bless America (Dio benu Usonon).
Kaj mi demandas al mi, ĉu tiu ĉi komuna nacio farita el
diverseŭropana origino ne estas vere la esenco de la eŭropismo? Ĉu
tio ne estas kion la eŭropistoj de Maastrich volas? En Eŭropo ni ne
trovas eŭropanojn: ni vidas hispanojn (diverstipajn, certe), francojn,
italojn, nederlandanojn, germanojn, kaj tiel plu. Sed nenie ni povas
trovi eŭropanojn en Eŭropo. Por trovi ilin, oni devas iri al
Usono aŭ Sudameriko. Ĉu ne estas ridinde, ke la solaj eŭropanoj kiuj
ekzistas diras, ke ili estas ne eŭropanoj, sed
amerikanoj?
Eble multaj amerikanoj ne konsentos kun mia opinio, sed se ili
pensas ripoze pri ĝi, eble ili opinios, ke mi pravas!
Isabel Acevedo
