La proleta Ateneo informas

Danke al la streboj de la nuna HALE-prezidanto, oni starigis fine la HALE-libroservon. Komence, la stokon da libroj konsistigas eldonaĵoj de SAT-broŝurservo, sed ni eklaboras jam por pligrandigi ĝin. Kvankam la stato de la libroservo estas tre provizora kaj modesta, oni volas entrepreni seriozan laboron por kiu ni havas jam projektojn.

La adreso de la HALE-libroservo estas:

Poŝtfako 305
24080 LEONO (HISPANIO)

Kaj ties konto por pago de la mendoj estas ĉe la Poŝta Ŝparkaso, je la nomo de Ko Nikolas' Gil, nombro 29-85.039.477.

Krome, la Proleta Ateneo peras abonojn kaj monkontribuojn por la gazetoj Leberacana Ligilo kaj Ĝisdatigo. Kamaradoj turnu sin al la sama adreso.

La Proleta Ateneo pro ties liberecana karaktero kunlaboras kun liberecanaj kaj anarĥisindikatismaj organizoj. Tial ĝi starigis Esperanto-informservon kiu tradukis ĉu esperanten ĉu hispanen por diversaj ĵurnaloj. Precipe la ĵurnalo CNT eldonis diversajn informojn senditaj de la germana FAU, kiu eldonas la Esperantan bultenon Ĝisdatigo. Ni volas daŭrigi tiun interesan laboron kaj instigas ĉiujn helpi nin.

Fine, ni ricevis peton de gejunularo kiu troviĝas en malfacila situacio. Tiuj genjunuloj okupis domon en urbo Lafelgero (La Felguera), Asturio, por loĝi kaj utiligi ĝin kiel Sociala Centro. Inter la projektoj elstaras la intenco lerni Esperanton (ili jam komencis klasojn) kaj fondi bibliotekon. Sed mankas ĉio kaj jen estas la problemo. Ni proponas, ke se ci, kamarado, havas malnovan lernolibron, gazetojn, publikigaĝon, sendu ĝin al ni kaj ni peros ĝin por la Kolektivumo La Vejno. Ili kaj ni antaŭdankas.