La kalkulanta viro: KelS 9ª.

De malmultaj horoj ni vojaĝis seninterompe, kiam okazis al ni rakontinda aventuro, en kiu mia akompananto Beremís praktikis, kun granda talento, siajn kapablojn de eminenta algebristo.

Ni renkontis, proksime de malnova gastejo duonruina, tri virojn varme diskutantajn apud grupo de kameloj.

—Ĉio estas ŝtelo!

—Ni estas fratoj —diris la plej maljuna —kaj ni ricevis, kiel heredaĵon, tiujn 35 kamelojn. Laŭ la esprimata volo de nia patro, mi devas ricevi la duonon, mia frato Hamed Namir la trionon, kaj Harim, la plej juna, naŭonon. Tamen ni ne scias kiel dividi en tiu formo 35 kamelojn kaj, je ĉiu disdivido proponita de iu, la aliaj du protestas, ĉar la duono de 35 estas 17 kj duono, kaj kiel trovi la trionon kaj naŭonon de 35, se ankaŭ tiuj dividoj estas ne ekzaktaj?

—Tre simple —respondis la kalkulanta viro —. Mi prenos sur min la taskon fari tiun disdividon juste, se vi permesas, ke mi aldonu al 35 kameloj de la heredaĵo ĉi berlan beston, kiu transportis nin ĝis ĉi tie en bona horo.

—Mi ne povas konsenti tian frenezaĵon! Kiel ni povus fini nian vojaĝon, se ni perdus nian kamelon?

—Ne zorgu pri la rezulto, bagdadano —replikis mallaŭte Beremís —. Mi bone scias kion mi faras. Donu al mi vian kamelon kaj vi vidos, finfine, al kiu konkludo mi volas veni.

Tia estis la fido kaj aplombo kun kiu li alparolis min, ke mi ne plu dubis kaj transdonis al li mian belan kamelon, kiun li tuj aldonis al la 35 starantaj por distribuo inter la tri heredantoj.

—Jen, amikoj miaj —li diris direktante sian parolon al la tri fratoj —mi faros ekzaktan disdividon de la kameloj, kiuj nun estas 36.

—Amiko mia, vi devis ricevi la duonon de 35, tio estas 17 kaj duonon. Tamen vi ricevos la duonon de 36, tio estas 18. Nenion vi devas postuli, ĉar estas tre klare, ke vi eltiras profiton el ĉi disdivido.

—Vi, Hamen Namir, devis ricevi trionon de 35, tio estas 11 kamelojn kaj onon. Vi ricevos trionon de 36, tio estas 12. Vi ne povos protesti, ĉar estas evidente, ke ankaŭ vi profitis de la ŝanĝo.

—Al vi, juna Harin Namir, kiu laŭ la volo de via patro devis ricevi naŭonon de 35, tio estas 3 kamelojn kaj parton de alia, mi donos naŭonon de 36, tio estas 4, kaj ankaŭ via gajno estos evidenta. Post tio nur restas al vi danki min pro la rezulto.

—Pro ĉi profita disdivido, favora al vi ĉiuj, la unua ricevos 18 kamelojn, 12 la dua kaj 4 la tria, kio rezultigas (18+12+4) 34 kamelojn. Tial el la 36 kameloj kromas du. Unu apartenas, kiel sciate, al mia bagdadana amiko kaj la alian ricevos min, laŭrajte, ĉar mi solvis kun ĉies kontentigo la malfacilan problemon de la heredaĵo.

—Vi estas inteligenta, fremdulo! —ekkriis la plej maljuna el la tri fratoj. —Ni akceptas vian distribuon kun la certeco, ke vi faris ĝin juste kaj senpartie.

La ruza Beremís, la kalkulanta viro, prenis poste en posedon unu el la plej belaj kameloj de la grupo kaj, transdona

—Nun, amiko, vi povos daŭrigi vian vojaĝon sur via obeema kaj firma kamelo. Mi havas nun unu nur por mi.

La kalkulanta viro.