Por plu omaĝi al nia karmemora kdo ROL (lia bela traduko de Memvola servuto de la Boétie estas havebla kontraŭ 100 francaj frankoj ĉe kdo B. Schneider) SAT-Broŝurservo preparas eldonon de liaj artikoloj kaj prelegoj de 1950 ĝis 1989.
Sub la titolo Ne nur vortoj, sed agoj baldaŭ aperos la unua, 112-paĝa, kolekto de artikoloj.
Sekvos alia broŝuro: Prelegoj kaj aliaj artikoloj arigonte la tekstojn aperintajn en Sennacieca Revuo (80 paĝoj en formato A4).
Ambaŭ estos disponeblaj kaj liverotaj en la unuaj monatoj de 1997. En Laŭte de novembro-decembro de 1996 aperas la detala enhavo de ambaŭ broŝuroj.
Kiel akiri ilin?
- Se vi jam estas abonanto de la broŝura serio kaj disponas pri sufiĉa kredito, vi ricevos ilin aŭtomate.
- Se vi estas abonanto de Laŭte!: aldonu 70 FRF (aŭ egalvaloron), kiam vi reabonos al la gazeto. Tiel, kontraŭ 150 FRF vi ricevos la jaran gazetkolekton (6 numerojn + adresaron) kaj la du broŝurojn de kamarado ROL.
- Se vi ne estas abonanto de Laŭte!: jen vi ĵus legis kiel profiti bonan okazon por konatiĝi kun ĝi!
- Se vi deziras ricevi nur ambaŭ broŝurojn de kdo. ROL: tio kostos al vi 90 FRF (inkluzive de la afranko).
Ĝiri al jena poŝtkonto:
Cercle amical espérantiste, 33 71 74 Bordeaŭ.
(Adreso: FR-47470 Beauville) aŭ al peranto de Laŭte!)
Kribo
| Kajero 33ª | En PDF (paĝo 9ª) | Kajeroj | 
Muziko: Verkante, infana popolkanto, en aparta versio de mi mem.