1ª Lirika Festo de HEF
Hispana Esperanto-Federacio invitas la e-istaron al la internacia omaĝo
al Prof. Juan Régulo Pérez kaj ĉiujn kompetentajn E-poetojn kontribui per
plej altkvalitaj verkoj al pleja brilo de la tiucele konceptita 1ª LIRIKA
FESTO DE HEF, kadre de la 51a HEF-kongreso, okazonta en La Laguna
(Tenerife. Kanariaj Insuloj) de la 14a ĝis la 19a de Juilio 1991.
La 1ª LIRIKA FESTO DE HEF disvolviĝos laŭ la jenaj gvidpunktoj:
- La kernon de la festo-omaĝo konsistigos libertemaj originalaj aŭ
esperantigitaj poemoj kaj poeziaj prozaĵoj, kun aŭ sen komentoj, kaj
eseoj, studaĵoj, monografiaj temoj, k.s. pri E-aj aŭ naciaj poetiko,
poetoj kaj poemoj, ĉiuokaze kun internaciaj kaj plej altaj valoro kaj
intereso.
- Plie, surbaze de muzikigitaj poemoj, oni muntos lirikan-muzikan
spektaklon.
- Ĉian kontribuaĵojn oni sendu al nia adreso ĝis la 30a de Aprilo 1991,
sedepende de tio, ĉu la aŭtoro intencas ĝin interpreti mem aŭ lasi tian
taskon al la membroj de nia koncerna skipo. (Oni precizigu ĉi
cirkonstancon).
- Rilate al muzikigitaj poemoj, oni kromsendu kasede registritaj la
kantojn kun la voĉo(j) de la interpretonto(j) aŭ la partituron, se oni
komisias la interpretadon al la membroj de nia koncerna skipo.
- La definitiva akceptado de kontribuaĵoj efektiviĝos nur per aplikado
de la plej rigoraj kriterioj de la E-a stilistiko.
- Pri neakceptitaj verkoj ni donos nenian respondon.
- Nia organiza teamo rigardas ĉi aranĝon en la perspektivo de sinergia
strategio. Sekve, la verkoj elektitaj konstituos, krome, kaj estimindan
materialon pro la studkajeroj de la fundamenton de eventuale eldonataj
libro kaj kasedo de la 1ª LIRIKA FESTO DE HEF.
- Tial, ke nia financa situacio neniel, bedaŭrinde, permesas al ni
okupiĝi pri vetur- kaj restad-kostoj de la festontaj poetoj, tiuj devos
kovri tiajn elspezojn proprapoŝe.
- Ĉeesto de la aŭtoroj, kvankam dezirata de ni, ne nepras.
- Verkojn sendu al: Miguel Fernández Martín; Santa Genoveva, 58.-6º C.
E-28017 MADRID. Hispanio.
